अर्थमन्त्री डा स्वर्णिम वाग्लेको पहिलो विदेश भ्रमण अस्वीकृत भएको छ । उक्त बैठकमा सहसचिव जाने टुंगो लागेको छ । मन्त्रीको भ्रमण अस्वीकृत गरेको क्याविनेटले सो भ्रमणमा सहसचिवलाई पठाउने भएको छ ।
बिज्ञापन
हिजो बसेको मन्त्रिपरिषद्का बैठकमा अर्थमन्त्री डा वाग्लेलाई अमेरिकाको वासिङ्टन डीसीमा हुने अन्तर्राष्ट्रिय मुद्रा कोष (आईएमएफ)को स्प्रिङ बैठकमा पठाउने प्रस्ताव अगाडि बढाइएकोमा प्रधानमन्त्री बालेन्द्र शाहको अध्यक्षतामा बसेको बैठकले मन्त्रीस्तरीय सहभागिताको प्रस्ताव अस्वीकृत गरेको हो । अर्थमन्त्री वाग्लेसँग छलफल गरेर उनको सहमतिपछि उक्त प्रस्ताव मुख्यसचिव सुमन अर्यालले मन्त्रिपरिषद बैठकमा प्रस्ताव लगेका भए पनि प्रधानमन्त्री शाहले अस्वीकार गरेका हुन ।
बिज्ञापन
अर्थ मन्त्रालयका वरिष्ठ सहसचिव धनीराम शर्मालाई आईएमएफको स्प्रिङ बैठकमा पठाउने निर्णय गरेको बताएको छ । शर्माले अप्रिल १३ देखि १८ सम्म अमेरिकाको वासिंगटनमा हुने उक्त बैठकमा नेपालको प्रतिनिधित्व गर्ने छन् । उता केन्द्रीय बैंकको तर्फबाट गभर्नर पौडेल सोही कार्यक्रममा जान आगामी २७ गते प्रस्थानको मिति तय गरेको बुझिएको छ । चैत २८ र २९ गते अमेरिका जाने बाटो म्यादअनुसार गभर्नरको भ्रमण कार्यक्रम लगभग बनाइएको स्रोतको दावी छ ।
बिज्ञापन
